ARTISTAK ERE PROTESTA HONETARA BATZEN DIRA!!!!!

Huecco abeslariak telebistako presentadore askorekin batera emakumearen indarkeriaren aurkako klip bat egin du, urte hauetan protestatzen ari direnekin batuz eta protesta hori indartuz.

ETXEKOANDRE

Historiak baztertu baditu ere
oraindik badira milaka etxekoandre
liburutan azaltzen ez diren arren
oraindik badira milaka etxekoandre
arnasa, kemena eta bizia
etxeari eta etxekoei eskainia
gau ta egun lanean denbora guztian
noiz iritsiko da zuen egun haundia.

ETXEKOANDRE

Isilean aurrera atera dute
herri honen xarma eta arima
isilean irakatsi egin digute
euskararen xarma eta eta arima
agintean, ordea, gizonak jaun eta jabe
horrela gabiltza, erotzeko zorian
hobeto biziko ginen dudarik gabe
etxekoandre hauek agintean balira.

ETXEKOANDRE

Historiak baztertu baditu ere
oraindik badira milaka etxekoandre
liburutan azaltzen ez diren arren
oraindik badira milaka etxekoandre
ahalegin hau txikia dela jakin arren
lurra eta zerua merezi duzue
ez genuke amaitu nahi inolaz ere
abesti xume hau zuei eskaini gabe.

ETXEKOANDRE

SEXUALITATEA EZAGUTZEN

Blog honek jorratutako gaia ere tratu txarren gaia bezala pil-pilean dagoen gure gizarteko atal bat da. Gaur egungo, informazioaren gizartean gizartean bizi garela diote baina esan daiteke blog-en bitartez heldu gaitezkeela gehienbat gaiaren inguruan jakintza bat izaten edo gure dudak asetzen, beraz blog hau oso egokia iruditzen zait aurretik aipatutako gustia egiteko, bertan bideo eta irudien bitartez gure dudak kontsulta ditzazkegulako.

EMAKUMEENGANAKO TRATU TXARREN BLOGA

Blog hau komentatzea erabaki dut gehienbat nire gaiarekin lotura zuzena daukalako. Gaur egun ematen ari diren kasu guztiak eta gero emakumeenganako tratu txarren inguruko blog bat egitea oso egokia iruditzen zait gehienbat gori-gorian dagoen gaia delako. Bertan bideoak, Power Point-ak eta beste hainbeste sarrera ikus daitezke. Honetaz aparte, momentuan hainbeste hitz egiten den tratu txarren inguruko artikulu aipagarriak agartzen dira, oso ondo definitzen dutelarik hain ohikoa bihurtzen ari den delitu hau.

WEBQUEST

Webquesta ikerkuntza gidatuak egiteko ekintza didaktiko modu bat da. Taldeko lana autonomia, gaitasun kongnitiboa, informazio bilaketa eta erabilera..sustatzea du helburu. Webquest-ekin, gai ezberdinak jorra daitezke eta hauetaz ikasteko oso erabilgarriak dira.Klasean Webquest bat zer den ikasi eta gero, "EMAKUMEAREN ARRASTOARI JARRAITUZ" aurkitu dut. Bertan, historian zehar hain nabaria izan den emakumeen hutsunea aztertzen da.

TUTORIALA

Bideo honen bitartez Nekanek eta nik, Alaiak, erakutsi nahi dizuegu nola igotzen den C-Maps tools programarekin eginiko mapa kontzeptuala zuen Blog-etara.

NESKAK ETA KIROLA

Ez da aztia izan behar neska-mutilek kirola ez dutela neurri berean, ez modu berean egiten konturatzeko. Diferentzia horiek nabariak dira Euskal Herrian zein Europako estatu askotan. Baina zergatik ez dute neskek kirolik egiten eta mutilek bai? Zergatik uzten diote neskek kirola egiteari mutilek baino lehen? Gipuzkoako Foru Aldundiko Gazteria eta Kirol Departamenduak eta Euskal Herriko Unibertsitateko Filosofia eta Hezkuntza Zientzien Fakultateak galdera horiek, zuzenean, protagonistei egitea erabaki zuten duela bi urte. 12 eta 18 urte bitarteko neska gipuzkoarrek beren iritzia eman zuten eta baita gurasoek, eskoletako kirol koordinatzaileek eta klubetako arduradunek ere. Erantzun sorta mamitsua jaso zuten eta horietako batzuk hemen azalduko ditugu. Itxaso proiektua abian jarri zutenak ez ziren emaitzekin harritu, aurrez landutako hipotesiak bete baitziren. Neskek mutilek baino kirol gutxiago egitea ez da kasualitatea, Mendebaldeko gizarte modernoetan kirolak duen antolaketa tradizionalak, gizonezkoan oinarritutako egiturak, horretara ekarri gaitu. 
Mutilen kontua da?

Topikoak ugariak dira: kirola mutilen gauza da, neskei ez zaie gustatzen lehiatzea, mutilak astakirtenak dira eta neskak baldarrak, mutilek porrot egiten dute saiatzen ez direlako eta neskek berriz, gaitasunik ez dutelako... XIX. eta XX. mendeetako joerak bertan behera geratzea ez da batere erraza. Kirola egiteko nesken eta mutilen gaitasun fisiko eta psikologikoak oso desberdinak direla frogatzen saiatu da medikuntza alorreko hainbat adar, baina gaur egun ez dago ezer frogatuta. Neska-mutilen arteko desberdintasun horiek arrazoi kulturalak medio eraiki dira mendez mende eta naturaltzat hartu ditugu. Askotan esan ohi da: "Mutilek agresibitatea, ezinegona... kirolaren bidez askatzeko beharra sentitzen dute. Neskek, berriz, beste modu batzuk dituzte agresibitate hori (mutilarena baino txikiagoa) askatzeko". 
14 urterekin muturtzen dira neskak
Adin horretara arte, gehiago ala gutxiago, baina egiten dute kirola neskek. Adin horretan ordea sekulako aldaketa nabaritzen dute. Kadete mailara igarotzen direnean, eskoletako egiturak ez daude prestatuta neska-mutilek kirola egiten jarrai dezaten eta beraz, kirolean segitzeko modu bakarra klub federatuak dira. Klub askok (ez denek) ez daukate ez baliabide ekonomiko nahikorik, ez mentalitaterik datozen neska-mutil guztiak berenganatzeko. Beraz, gaitasun onenak dituztenak hartuko dituzte eta errendimendu kirolera bideratu. Baliabideak urri badituzte mutilen ekipoak osatuko dituzte lehenengo, eta ahal bada, neskenak. Neskak kexu dira maila horretan asko exigitzen zaielako, "onak" izan behar dutelako. Neskak presionatuak sentitzen dira dena ondo egitera eta horretarako nahiago dute ikasketetan ordu gehiago sartu eta kirola utzi. Oso perfekzionista bihurtzen dira exigitutakoari erantzuteko eta ez dira denera ondo iristen. Bestalde, gurasoek ere ez diete kontra gehiegirik egiten kirola utzi dutela ikusitakoan. Mutilekin ez da hori gertatzen, nahiz eta ikasle txarrak izan kirolean segitzen dute. Asteburuetako diziplina zorrotzak ere atzera botatzen ditu neskak, nahiz eta lehiatzea gustatzen zaiela aitortu. Etorkizunari begira kirolak askorako ez diela balioko uste dute neskek eta erraz lagatzen dute. Gizonezko entrenatzaileak dituzte gehienetan eta ez dute hori oso gustuko. Mutilak kirolariagoak direla sinetsita daukate eta mutilentzako kirolak sailkatuta dituzte: futbola, hockeya, igeriketa... 
Neskak txiki-txikitatik geldirik
Eskoletako kirol koordinatzaileek zortzi urteko neska eta mutilek gaitasun fisiko eta mugimendu gaitasun berberak ez dituztela aitortzen dute, eta abiapuntua bera ez denez, kirol heziketan aldeak nabarmenak dira. Mugimenduaren kultura eta jarduera fisikoa oraindik gizonezkoen tradizioan errotuta daudela diote eta txikitatik sustatzen da kirola mutilengan. Neska asko zortzi urterekin zerotik hasten omen da. Ez espazioan hartzen duten tokiari dagokionez, ez aktibitate motari dagokionez, ez dira parekatzen neska-mutilak. Kirol koordinatzaile hauek nabarmentzen dutenez, neskek kirola egitea lortu nahi bada inertziak, hau da, helduen rolen kopia egiteari utzi behar zaio. Mutilek kirola egiteko inertzia jarraitu besterik ez dute.
 

BEST OF DEF

Hona hemen Podomatic programatik hartutako podcasts bat, gehiago jakin nahi baduzue eta programa honen berri izan lik-aren gaienean klikatu.

Best of DEF 2009 (ENHANCED VERSION)

DEF

GIZONEZKOA EZ IZATEAGATIK LANPOSTUA UKATU DIOTELA SALATU DU EMAKUME BATEK.

Emakumearen Arabako, Bizkaiko eta Gipuzkoako erakundeak, Emakundek, Bilboko enpresa baten kontrako zigor prozedura abiatu du sexu bereizkeriagatik, atzo Baskongadetako Agintaritzaren Aldizkariak argitaratu zuenez. 2008ko urrian Horizon Venture Global enpresaren aurkako kexa ezarri zuen emakumezko batek -U.Z.A.- Emakumeen eta Gizonen Berdintasunerako Defentsa Erakundearen bulegoetan. Jakinarazi zuenez, gizonezkoa ez izateagatik konpainiak lanpostu baterako sarbidea ukatu zion.
Aurtengo martxoaren 13an Emakundek jakinarazi zuen Horizon Ventura Globalen kontrako zigor prozedura abiatzea erabaki zuela, gertatutakoa ikertzen saiatu ondoren eta enpresari ebazpenaren berri emateko ezintasuna egiaztatuta. Berdintasunerako Defentsa Erakundearen ikerketa lanak oztopatzeak arau-hauste arintzat har dezaketela ohartarazi du Emakundek, EHAAn argitaratutako testuan
2005eko Emakumeen eta Gizonen Berdintasunerako Legearen arabera, enpresaren arduraduna 900 euro bitarteko isuna ordaintzera zigor dezakete.
Jakinarazteko ezintasuna
Ustezko bereizkeriaren biktimak iazko urrian salatu zuen Bilboko enpresarekin gertatutakoa Berdintasunerako Defentsa Erakundearen bitartez, eta handik bost egunera, azaroaren 4an, ezarritako kexa ikertzeko prozedura abiatzea erabaki zuen erakundeak.
Horren berri enpresari jakinarazteko ahaleginak huts egin ondoren, aurtengo otsailaren 9ko EHAAn argitaratu zuten ebazpena, konpainiari bere defentsarako dokumentuak aurkez zitzan, 15 eguneko epea emanda. Ondoren, Defentsa Erakundeak Emakunderen esku jarri zuen auzia, 2005eko Berdintasunerako Legearen 77.2 artikuluak esandakoren arabera zehapen prozedura abiatzeko.
Prozedura Emakundeko Idazkaritza Nagusitik zuzenduko dutela jakinarazi dute, eta Izaskun Fernandez Otegi izendatu dute ikertzaile.
Horizon Ventura Global askotariko ekitaldiak antolatzeko baliabideak eta langileak eskaintzen dituen enpresa da. Bilboko erdialdean dauka egoitza, eta bere zerbitzuak nazioartean ere eskaintzen ditu.

EMAKUMEA ETA SAGARRAK

Manzanitas.Cky

View more presentations from 8alaia.

EMAKUMEEN INDARKERIAREN AURKAKO NAZIOARTEKO EGUNA BILBOKO MANIFESTALDIA

ZER DIRA TRATU TXARRAK ETA INDARKERIA?

Eraso fisiko, psikiko eta psikologiko guztiak dira, hala nola biktimen gorputzean egindako kolpeak, kontusioak, bultzadak, zaplastakoak, harramazkak eta antzekoak eta irainak, mehatxuak, laidoak, isekak eta beste antzeko eraso psikiko eta/edo psikologikoak eta emozionalak.
Eraso horiek familiaren esparruan gertatzen dira eta, beraz, erasotzailea eta biktima senitartekoak izan ohi dira.
Tratu txar fisiko edo psikikoak dakartzaten jarrera guztiak legez zigortuta daude. Hainbat zigor-mota daude (presoaldia askotan, asteburuko atzipenaldia eta abar) eta iraupena gertaeren larritasunaren araberakoa da. Gainera, biktima babesteko helburuarekin, askatasuna ken-tzeko zigorrez gain beste zigor bat ezarri ahal izango dio Epaileak tratu txarrei lotutako delitu edo hutsegite baten errudunari. Zigor honi jarraiki, errudunak debekatuta izango du biktimari hurbiltzea edo harekin komunikatzea, ezein modutan (aurrez aurre, telefonoz, idatziz edo beste modu batez) eta epaiak adierazten duen denboran.

EMAKUMEA BERDINTASUNAREN BILA

Power Point hau Emakundek Slideshare programaren bitartez sarera igo du. Bertan Euskal Herri osoan dauden erakunde desberdinen inguruko informazioa ematen du, horregaitik blog-era igo dut gaiaren inguruan interesatua dagoen edozeinek aukera duelako informazio gehiago jasotzeko power point-ean aipatutako edozein elkartetan.

Programa foro emakunde

View more documents from Mak Makygregor.

EMAKUMEA ETA LANA

SEXUA	LAN EGOERA	2006	2007
EMAKUMEA	LANEAN	%48,96	%49,3
	LANGABEZIAN	%11,36	%11,00
GIZONEZKOA	LANEAN	%69,00	%69,2
	LANGABEZIAN	%6,06	%6,83

Taula honetan ikus daiteke nolako "berdintasuna" egon den lan munduan emakume eta gizonen artean azken urte hauetan.

AZAROAREN 13TIK 27RA ARTE "BELDURRIK BARIK"KANPAINAKO EKITALDIA

Azaroaren 13tik azaroaren 27ra arte izango den egitaraua aurkeztu dabe Maite Blanco Udaleko teknikariak eta Argi Abad zinegotziak.
"Puntu morea" sinboloagaz eta Beldurrik barik lemagaz gizarteratuko daben kanpainaren barruko lehenengo ekitaldia gaur iluntzeko Amazonas, mujeres indomables dokumentalaren aurkezpenean izango da. Batez be, gazte abadiñarrak emakumeekiko indarkeriaren kontra kontzientziatzeko helburuagaz, antzerkia, autodefentsa ikastaroa, sexualitate tailerra eta argazki erakusketa izango dira datozen bi asteetan.

«Gizon eta emakumeen arteko erlazioak dira, pertsona batzuen eta beste pertsonen arteko erlaziorik naturalenak. Erlazio hauek erakusten dute gizonaren izaera pertsona izaera noraino bihurtu den. Beste gauza askoren artean beharrezkoa da, gizonak eta emakumeak, beren bereizketa naturalak gaindituz gero, lagun izatea lor dezaten».

EMAKUMEEN INDARKERIAREN AURKAKO NAZIOARTEKO EGUNA

Azaroaren 25ean ospatuko den Emakumeen indarkeriaren aurkako Naziaorteko Egunaren testuinguruan hainbat ekimen antolatu dituzte Zornotzako, Durangoko, Iurretako eta Abadiñoko Udalek datozen egunerako. Ohi den bezala, hilaren 25ean elkarreratzeak egingo dituzte lau udalerrietan gizon eta emakumeen arteko berdintasuna aldarrikatzeko.

EMAKUMEA HISTORIAN ZEHAR

bideo honetan hainbat idazki aurkitzen ditugu, garai hartako emakumearen egoera zalatzeko.

Emakumea historian zehar

View more presentations from emius.

BELDUR BARIK

Hona hemen EUTSIK emakumeen indarkeriaren kontraren inguruan egindako abestia.

WEB 2.0

Hona hemen Web 2.0 testuaren inguruan, klasean landu dugun mapa kontzeptuala.
Hau egiteko, ordenagailuan instalatuta dagoen CampTools programa erabili dugu.